‘n Haikoe is ‘n tipe digvorm (ontleen aan die Japannese digkuns) met 5 klankgrepe (soos lettergrepe) in die eerste reël, sewe in die tweede reël en weer vyf in die laaste reël. Gewoonlik is daar ‘n verwysing na ‘n spesifieke seisoen êrens in die gedig.
Hier is ‘n voorbeeld wat ek sommer uitgedink het:
Kom op ‘n reëndag
Kom drink bossietee en steel
die stoom se asem.
Die vaste metrum (ritme van die lettergrepe) en kompaktheid van dié tipe gediggie, dwing jou as skrywer om suinig met woorde, klanke en tema om te gaan.
(Eintlik bevat “reën” in my eerste versreël twee lettergrepe, hm, maar nou ja… ek interpreteer dit maar as ’n enkele klankgreep, haha.)
So, gee dit ‘n shot! Neem gou ‘n minuut of sewe en kyk of jy die gevoel wat jy nou voel, of die omgewing waarin jy tans is, kan beskryf. Volgens die 5-7-5 formaat van ‘n haikoe.
Dit is nou vrydag
Ek is te moeg om te dink
Haiku se ma se…
Comment deur SuperJaco — February 29, 2008 @ 1:17 nm |
Gee vir my sonskyn
Somer en son en saffier
Anders sal ek kwyn
Comment deur sonkind — Maart 1, 2008 @ 4:52 nm |
onbekende vriend
en ‘n onbekende taal
in my eie dorp
Comment deur Bertus! — Maart 2, 2008 @ 8:52 vm |
Wind lui geil
kosyne huil
buite val die sneeu
Comment deur Jasper — Maart 2, 2008 @ 2:10 nm |
5-7-5
Ok, ek dop,
kom ons probeer weer….
_______________________
Die winde lui geil
Deur blou kosyne wat huil
buite val die sneeu
____________________
Hoes daai?
Reg uit my hotelkamer in Siberië…..
Comment deur Jasper — Maart 2, 2008 @ 2:19 nm |
Vlietend vinnig gou
Leef verby mekaar se hart
Tot herfs jou uitdun
Comment deur Karl — Maart 2, 2008 @ 2:55 nm |
Die skrikkel-Vrydag
tap behoorlik my breinkrag;
wil ek huiswaarts keer
(NS: Te danke aan die skielike afwesigheid van Internettoegang — amper soos Eskom “load shedding” — kon ek eers vandag my heikoe pos.)
Comment deur HeikoPete — Maart 3, 2008 @ 6:27 vm |
vlieg is nes ‘n braai
as jy brand en afwaarts val
stink jou vlees na vlam
Comment deur Johan Swarts — Maart 4, 2008 @ 6:59 vm |
kragtie, hoe skrik ek
kyk, die donderstorm woed
en slaat my soos blits
(don-der-sto-rim)
Comment deur mnr.muller — Maart 5, 2008 @ 4:10 nm |
welgedaan almal
bertus!, vriend, joune laaik ek
selfs meer as die res
Comment deur mnr.muller — Maart 5, 2008 @ 4:12 nm |
Ai-ai, Jasper, jong:
Haiku’s uit Siberië
gaan mos doodvries, man!
Comment deur mnr.muller — Maart 5, 2008 @ 4:16 nm |
Pieter en Jaco
Vanwaar julle oorwerktheid?
Gaan uit en drink, man!
Comment deur mnr.muller — Maart 5, 2008 @ 4:17 nm |
Toe, skryf nog Haiku’s:
vyf, sewe, vyf – dis maklik!
…voor die dag om is
Comment deur mnr.muller — Maart 5, 2008 @ 4:22 nm |
Winteraand skougrond:
Moer hom Jan! skree die vrouens
Die mans roep: Haai Koos!
N.a.v. ‘n vertellinkie van my pa (74), dus 50+ jare gelede, toe hulle ‘n boks of stoeigeveg bygewoon het waar sy susters eers gesê het dis so wreed en hulle oë toegedruk het, en teen die einde was dit hulle wat skree: “Moer mekaar! Moer mekaar!”.
Comment deur mykopop — Maart 7, 2008 @ 10:53 vm |
katte soos spoke
in kaal koue (klam huise):
‘n bed sonder jou
Comment deur ronnie — Maart 10, 2008 @ 1:05 nm |
die dooie klavier
het vergeet om te lag nes
die stil lente-voëls
Comment deur ronnie — Maart 10, 2008 @ 1:07 nm |
vaderlik sit hy -
tafelberg in die skor son
hou sy kinders dop
Comment deur ronnie — Maart 10, 2008 @ 1:07 nm |
by geboorte lag
geen mens by grafte onder
bruin bome ook nie
Comment deur ronnie — Maart 10, 2008 @ 1:08 nm |
daar is niks nie soos
wyn en swart vye sielleen
langs ‘n kaal prieël
Comment deur ronnie — Maart 10, 2008 @ 1:09 nm |
Ek wonder oor my
wie ek is, waar ek is, en
waar die wind begin
Comment deur Bertus — Maart 13, 2008 @ 8:40 nm |
Wit flaminke buig
weerkaats rosigrooi, aanbid
‘n sterwende son
Comment deur estelleke — Maart 15, 2008 @ 1:57 nm |
verskietende ster
‘n veiligheidsrisiko
tog vir kykers: wens, hoop
Comment deur estelleke — April 3, 2008 @ 4:37 nm |
[...] < haiku > [...]
Pingback deur Oornag is dit winter « mnr.muller — April 7, 2008 @ 6:40 nm |
[...] Mnr Muller weer, het my geleer van haiku’s skryf. Toe kombineer ek nou die twee en siedaar: [...]
Pingback deur Blog Haiku « Sonkind — April 8, 2008 @ 3:02 nm |
[...] ‘n koffiewinkel sit ons: kleindogtertjie, dogter, ouma, vriendin en ek. Eet kaaskoek en steel die stoom se asem. Teug met ons oë op die see. Maar nie vir lank [...]
Pingback deur imaginary vs memory « mnr.muller — Junie 19, 2008 @ 12:50 nm |
[...] aan my studente: Vaarwel! …as jy jou parodie wil redigeer en verbeter - doen dit! Kom drink rooibostee en laat ons daaroor gesels. Onthou, léér is ‘n lewenslange proses; om briljant te skryf, [...]
Pingback deur Om werk te merk « mnr.muller — Oktober 23, 2008 @ 4:50 nm |
[...] veral ontleen aan Oosterse digkuns, om ons woorde in te giet. Prettige voorbeelde is die Haiku, Tanka en Pantoen, maar met hierdie inskrywing wil ek jou uitdaag om ‘n Cinquian te probeer [...]
Pingback deur Sukkel met sewe see cinquians « mnr.muller — Junie 10, 2009 @ 8:00 vm |
Naand is die seer aand
van huis toe gaan, terug te gaan
en waar verlange begin
Ek sien jou bly lag
en wag op die vonk wat net
uit ju oog kwyn, wegraak
Jy, kind van my hart
jou sag arms, nat mond, bly hart
waar het ek my verloor?
Met dans en swaai, op
maat van wind, vang ek jou in
my bly leë arms – mis
Comment deur Franconette — Julie 17, 2009 @ 10:14 nm |
Sjoe, dankie Fanconette!
Ek lees nog rou emosie in jou verse.
Jy wyk effens van die haiku-vorm af: met ses klankgrepe in die derde versreël van elke strofe. Maar dis natuurlik jou goeie reg
As jy wil skaaf daaraan, lees gerus: http://mnrmuller.wordpress.com/2009/06/12/wat-maak-n-goeie-gedig-goed/ en speel nog ‘n bietjie verder rond. Ek sien uit daarna om jou pantoen-probeerslae ook te lees. Skryf voort!
Comment deur mnr.muller — Julie 19, 2009 @ 3:48 nm |