“…moeg deurweek en uitgespoel / op silwer sand…”

Standard

Hier waar ek salig op ‘n Sondagaand sit, vloei twee musiekstrominge komplementerend ineen: in die verte die kerkklokke wat klonkend by moedergemeente lui, en voor my oor die Sahara Computer Hi-Fi System die sagte sussende Silwer sand-klanke van Hanru Niemand se liriek soos hy dit soetsag oor sy CD Tot Stilte vir my sing.

Silwer sand

gekneus geknak lig ek, lag ek

met ‘n tikkie ironie

moeg deurweek en uitgespoel

op silwer sand

ek het jare lank geveg vir wie en wat ek is en glo

maar nou sweef die slaap so speels

om my oë

kyk my herkoms lê in puin

sak my wêreld, sak my son

maar nou lê ek ver van daar

op silwer sand

want my Heer het my kom haal

my weg laat spoel vanwaar dit roet

en nou glim die son komberssag

om my

opeens lê jy langs my sy

met jou een hand op my bors

en op my voorkop en my mond

rus jou kus

dit is saliger hier lief, waar die son die aand omhels

sê ek jou en vra: “Sal jy my hierheen kan volg?

Sal jy altyd by my bly, sal jy doodgaan met my?

Maar as jy goed het om te doen nog, is dit OK

dan kan ons afspreek om mekaar aan die ander kant te kry

waar die son die aand omhels

op silwer sand.”

3 responses »

Lewer kommentaar

Verskaf jou besonderhede hieronder of klik op 'n logo om in te teken:

WordPress.com Logo

Jy lewer kommentaar met jou rekening by WordPress.com. Log Out / Change )

Twitter picture

Jy lewer kommentaar met jou rekening by Twitter. Log Out / Change )

Facebook photo

Jy lewer kommentaar met jou rekening by Facebook. Log Out / Change )

Google+ photo

Jy lewer kommentaar met jou rekening by Google+. Log Out / Change )

Connecting to %s