Monthly Archives: November 2008

Roadtrip #12 – Colesberg se lamtjops en nag vol sterre

Standard

Op dag 1 van my en Francois C se trippie om Suid-Afrika het ons vanaf Stellenbosch gery tot by Colesberg en daar oornag.

2955367108_6af917fa01

Dit was reeds pikgitdonker toe ons daar aankom, met ‘n hele sterrehemel en melkweg bo ons koppe gespan (foto met vergunning van Francois M se link in die comment).

Heel billik beprys het ons – ná ‘n dag se ry deur die Karoo – ‘n paar lamtjoppies bestel en heerlik daaraan gesmul oor ‘n glasie wyn.  Salig gemaak tuisvoel op die platteland.  Kosmoskos.

karoo-kos

Ons verblyf op dag 1: http://www.wheretostay.co.za/vanzylsvlei/

Xhosa #8 – Toets jou kennis!

Standard

xhosa_seuntjie_iiEk het lanklaas ‘n Xhosa-les gepost.

Laas  het ons op naamwoorde gefokus, spesifiek die Xhosa-woorde vir liggaamsdele.

In Xhosa #6 het ek die volgende Xhosa-naamwoorde gegee: kop, nek, been, voete, knie, borskas, hare, hand, hemde, broeke en atlete.

In Xhosa #7 het jy nog woorde gekry: oog, mond, tand, neus, ken, wenkbrou, onderarmholte, maag, tepel en liggaam.

Hoe het jy te werk gegaan om dié nuwe woorde te onthou?  En hoe suksesvol was jy?  Kan jy die volgende woorde na Afrikaans vertaal:

ikhwapha, umlomo, umlenze, impumlo, isilevu, iinyawo, ingono, iihempe, iibhulukhwe, isifuba, iliso, ababaleki, idolo, intamo, intloko, iinwele, ushiyi, izinyo, isandla, isusu, umzimba…?

Indien nie, moet ons fokus op onthou-vaardighede en hoe om nuwe woorde aan te leer.  Daarvoor moet ons weet hoe om ons hele brein in te span vir die oor-en-weer onthou-proses.

Hoeveel woorde kon jy sedert laas les onthou?  Het jy volpunte?  Is daar woorde wat jou makliker bygebly het?  Hoekom?

Roadtrip #7 – O, die dans van ons drie susters

Standard

drie-susters_img_0083

Op pad Colesberg toe, vanaf Laingsburg, vanaf Stellenbosch, verby die Drie Susters, dag 1, pak die wolke saam.  Dit reën storms in die Kaap, en my sambreel lê op die agtersitplek, maar hier, verder weg, raak die land droeër en die skakerings vaal.  Onze drie susters sluimer, uitgestrek met hul bultjies orent.

* * *

DIE DANS VAN DIE REËN – Eugene Marais
  Lied van die vioolspeler. Jan Konterdans.
  Uit die Groot Woestyn

O die dans van ons Suster!
Eers oor die bergtop loer sy skelm,
en haar oge is skaam;
en sy lag saggies.
En van ver af wink sy met die een hand;
haar armbande blink en haar krale skitter;
saggies roep sy.
Sy vertel die winde van die dans
en sy nooi hulle uit, want die werf is wyd en die bruilof groot.
Die grootwild jaag uit die vlakte,
hulle dam op die bulttop,
wyd rek hulle die neusgate
en hulle sluk die wind;
en hulle buk, om haar fyn spore op die sand te sien.
Die kleinvolk diep onder die grond hoor die sleep van haar voete,
en hulle kruip nader en sing saggies:
“Ons Suster! Ons Suster! Jy het gekom! Jy het gekom!”
En haar krale skud,
en haar koperringe blink in die wegraak van die son.
Op haar voorkop is die vuurpluim van die berggier;
sy trap af van die hoogte;
sy sprei die vaalkaros met altwee arms uit;
die asem van die wind raak weg.
O, die dans van ons Suster!

[Uit: Versamelde gedigte – Eugene Marais]