Probeer ’n pantoen!

Standaard

Probeer gerus om ‘n pantoen te skryf.  Dis ‘n digvorm waar versreëls in die daaropvolgende strofes herhaal.  In Afrikaans help dit jou veral om iets meesleurends te skep.

Die digvorm verg slegs ses oorspronklike reëls wat dan volgens die patroon verdubbel en gerangskik word om oor twaalf reëls te strek.  Die laaste strofe skryf heeltemal homself!  En rym is opsioneel.

Strofe 1

Reël 1
Reël 2
Reël 3
Reël 4

Strofe 2

Herhaal reël 2 (strofe 1)
Reël 5
Herhaal reël 4 (strofe 1)
Reël 6

Strofe 3

Herhaal tweede versreël van strofe 2 (reël 5)
Herhaal reël 3 (strofe 1)
Herhaal vierde versreël van strofe 2 (reël 6)
Herhaal reël 1 (die heel eerste versreël van die gedig)

In die gedig hieronder het ek my verbeel ek staan op my oorle ouma se woonstelbalkon en staar na die see, die verte in.

Langafstrand

Anderkant die horison:
Waar die see die strand ontmoet,
Trek die gety nou terug;
En in rotspoele krioel die lewe

Waar die see die strand ontmoet,
Daar spoel die seeslakkies uit –
En in rotspoele krioel die lewe
Soggens en saans teen ’n verre kus

Daar spoel die seeslakkies uit –
Trek die gety nou terug;
Soggens en saans teen ’n verre kus
Anderkant die horison:

Lees nog pantoene op Estelleke se blog en speel-skryf saam.  Dit hoef nie meesterlike digkuns te wees nie; slegs ses reëls – ek is seker jy kan!

Advertisements

9 responses »

  1. Terug pieng: Sukkel met sewe see cinquians « mnr.muller

  2. Ek kannie altyd so lekker skryf in Afrikaans nie, maar hier is my poging. Dit is ‘n interessante uitdaging om dieselfde reels oor te gebruik op so manier dat daar steeds progressie is in die gedig.

    Skemerlig

    Skemer is die oomblik van verandering
    Die wolke flits, helder pienk en goud
    Verby die horison se verre berge
    Die laaste strale is helder juwele

    Die wolke flits, helder pienk en goud
    Donkerte val met ’n sug
    Die laaste strale is helder juwele
    En daarmee sak die nag nou neer;

    Donkerte val met ’n sug
    Verby die horison se verre berge
    En daarmee sak die nag nou neer;
    Skemer is die oomblik van verandering

  3. Wel gedaan, Linsen!

    Die progressie-storie laat hierdie gedig amper in ‘n puzzle ontaard – jy skommel lateraan jou versreëls só om te sien wat die beste opsie is 🙂

    Dié gerondskommel spoor jou nogals aan om ander redigerings ook te oorweeg – dis dus ‘n goeie digvorm om dié tipe refleksie en dissipline by digters te kweek.

    Jy kan dié digvorm natuurlik in ander tale ook gebruik; laat weet maar hoe vorder jou Frans en Xhosa! 😉

  4. Terug pieng: Wat maak ‘n goeie gedig goed? « mnr.muller

  5. Die digvorm is baie oulik, veral vir kinders wat voel hulle het nie die vrymoedigheid om net “te laat gaan” nie. Die digvorm het van Maleisie af oorgewaai na die Weste. Hierdie vorm prikkel bietjie die kreatiwiteit!

  6. Terug pieng: Ontgaping van die moeë siel « mnr.muller

  7. Terug pieng: onder die roesoranje net-kombers van jou bed se voetenent « mnr.muller

  8. Terug pieng: Rooi, teen die hange van die berg waar stekelrige fynbos nou-nog groei, onthou ek die klank van die brand toe dit naby was « mnr.muller

Lewer kommentaar

Verskaf jou besonderhede hieronder of klik op 'n logo om in te teken:

WordPress.com Logo

Jy lewer kommentaar met jou rekening by WordPress.com. Log Out / Verander )

Twitter picture

Jy lewer kommentaar met jou rekening by Twitter. Log Out / Verander )

Facebook photo

Jy lewer kommentaar met jou rekening by Facebook. Log Out / Verander )

Google+ photo

Jy lewer kommentaar met jou rekening by Google+. Log Out / Verander )

Connecting to %s