Soms wonder ek oor Paulus – daai inglourious basterd

Standaard

Soms wonder ek oor Paulus.

Ek weet maar min van die man, want hy het geleef lank voor my tyd – maar ek wonder of ek met ’n oop verstand in/aan sy evangelie kan glo of nie.

Toe hulle hom nog Saulus genoem het, vóór sy Damaskus-ervaring, het hy immers gehou daarvan om voltyds Jode wat deel van ‘n splintergroep was, te vervolg. Hy wou die kerk uitroei. Soos die SS-man in Inglourious Basterds het “Saulus soos ’n besetene voortgegaan om die volgelinge van die Here met die dood te dreig” (Handelinge 9:1). Hy was happy toe Stefanus gestenig is. Kortom: Saulus was ’n bliksem.

Daarom wonder ek oor dié man… oor sy geestesgesondheid. “Hy het van huis tot huis gegaan, mans en vrouens laat uitsleep en hulle in die tronk laat sit” (Handelinge 8:3). Ek wonder, want as ‘n mens hom – as mens – wil verstaan, moet jy tog sy persoonlikheidstipe probeer verstaan. Watse tipe mens geniet sulke geweld?

Elders in die geskiedenis sien ons soortgelyke fanataci moor en plunder. Klink vir my altoos soos Apartheid-polieste. In vandag se terme was hy ‘n fundamentalistiese ekstremis: ’n militante Fariseër, jy sou kon sê ’n lid van ’n sekte – maar op pad Damaskus toe, skyn ’n skerp lig op hom, verblind hom vir drie dae, en ’n meegaande stem oortuig hom tot hiertoe en nie verder nie. En in ’n oogwink bekeer hy homself en word ’n opperste evangelis, dié soort wat ons vandag steeds ken: iemand wat imponeer met sy toesprake en mense van heiden en verre stadions toe roep met beloftes van verlossing.

Ag, miskien is ek te sinies, maar ek sukkel om myself te vereenselwig met albei weergawes van dié man. Van Saulus se vooroordele hou ek niks van nie; van Paulus se evangalistiese hallelujas ook nie.

Soms wonder ek oor Paulus.

* * *

Maar dis okay, ek hou darem van die hoofkarakter van die Nuwe Testament.

Advertisements

4 responses »

  1. Jy MAG maar wonder… ons almal mag wonder. Maar dis juis sy persoonlikheid wat hom so besonders gemaak het. Hy was ‘n fanatikus (of, dis hoe ek dink hy was)… ‘n ou wat voluit gegaan het. Toe hy nog ‘n fariseer was wat christene vervolg het, het hy dit fanaties gedoen. Toe hy Jesus leer ken het, en vir mense van Hom wou vertel, was hy fanaties daarin. Hy was iemand wat VOLUIT doen, nie halfmas nie. ‘n 110%er Hy het ‘n D-persoonlikheid ‘n DOENER. NIKS kon hom stuit as hy in iets geglo het nie. Juis daarom kon hy dit bereik wat hy wel bereik. En juis daarom bid ek ekstra hard as ek ‘n erg hardkoppige persoon sien wat dit wat hy glo, uitleef. Want ek dink altyd…. as daai ou tot bekering kom…. WAT SAL HY NIE ALLES UITRIG VIR DIE KONINKRYK NIE??
    Dankie, en mooi dag

Lewer kommentaar

Verskaf jou besonderhede hieronder of klik op 'n logo om in te teken:

WordPress.com Logo

Jy lewer kommentaar met jou rekening by WordPress.com. Log Out / Verander )

Twitter picture

Jy lewer kommentaar met jou rekening by Twitter. Log Out / Verander )

Facebook photo

Jy lewer kommentaar met jou rekening by Facebook. Log Out / Verander )

Google+ photo

Jy lewer kommentaar met jou rekening by Google+. Log Out / Verander )

Connecting to %s